God stemning, heile året!

Lokala i Hjelmeland Samfunnshus

Hjelmeland Samfunnshus har fire allsidige lokale, som kan brukast til alt frå barneselskap og bryllaup, til konferansar og kulturarrangement.

Storsalen

Amfiet i Storsalen har plass til 170 personar. Her er det kulturscene med tilhøyrande backstage og garderobe, lys- og lydutstyr, samt prosjektor og lerret. På flatt golv kan det dekkast til ca. 140–150 personar. Storsalen ligg i 2. etasje, og har enkel tilkomst frå parkeringsplassen. Ved utleige av Storsalen er Foajéen alltid inkludert.

Foajéen

I tillegg til å fungera som hovudinngang til Storsalen, kan Foajéen brukast til mindre møte og selskap. Foajéen har enkel tilkomst frå parkeringsplassen. Som standard er Foajéen rigga med 20 sitjeplassar fordelt på tre grupper, men det kan òg dekkast langbord til ca. 18 personar. Lokalet har eigen bardisk.

Intimscenen

For mindre arrangement kan me tilby Intimscenen. Det er plass til ca. 40 personar, anten på stolar og bord til selskap, eller på stolar framfor scenen i samband med kulturarrangement. Lokalet har eigen bardisk. Intimscenen ligg i 1. etasje, og har eigen inngang på bak-/nedsida av Samfunnshuset.

Loftstova

I Loftstova finn du éi stor sofagruppe med fire små kafébord, samt tre spisebord med konferansestolar rundt. Det er mogleg å ommøblera til to langbord eller hestesko med plass til inntil ca. 35 personar. Stor TV-skjerm. Enkelt utstyrt kjøkken i tilknyting til lokalet.