Stifting av aksjeselskap
Avviklingsstyret til Hjelmeland Samfunnshus SA har sett i gang eit arbeid med å oppretta eit nytt driftsselskap – eit ideelt aksjeselskap – som skal ta over drifta av Hjelmeland Samfunnshus. Aksjeselskapet blir oppretta i samband med eit stiftingsmøte 13. januar 2025 kl. 19:00 på Hjelmeland Samfunnshus.
Det nye driftsselskapet skal heita Hjelmeland Samfunnshus AS, og eigarane i selskapet skal vera dei frivillige laga og organisasjonane som bruker Samfunnshuset som møteplass og kulturarena for sine aktivitetar. Både dagens og potensielle framtidige brukarar av Samfunnshuset er velkomne til å teikna aksjar i selskapet. Kvart lag må rekna med å teikna aksjar for minst kr 10.000.
Målet er at Hjelmeland Samfunnshus AS skal eiga og drifta Samfunnshuset frå og med 01.03.2025. Frå og med den same datoen overtek Hjelmeland Samfunnshus AS alle rettar, plikter, bygning og tomt frå Hjelmeland Samfunnshus SA.
Meld frå snarast – og seinast 12. januar 2025 – dersom ditt lag/organisasjon vil bli medeigar i Hjelmeland Samfunnshus AS. Gje beskjed til Ole Henrik Olsen på tlf. 995 77 700 eller send e-post til sekretær Morten Hetland på post@hjelmeland-samfunnshus.no.